منذ 10 أشهر - بواسطة: عبدالله المصري
219 قراءة
رد مشهور سناب “أسامة الراشد ” على الدول والشعوب الأخرى التي تهاجم المملكة بسبب إقامة موسم الرياض بالتزامن مع حرب فلسطين.
وظهر الراشد في مقطع فيديو يقول:” يالربع ما أدري وش مشكلة بعض الدول مع موسم الرياض، وش نوع الحسد هذا، وصدق شيء ننحسد عليه، اللي نسويه شيء مو طبيعي، أحنا قاعدين نعيش أحلام الآخرين، السعودية جابت أجمل الأشياء في العالم وحطتها لنا في الرياض”.
وأضاف ساخرا: “تبي “نيمار وكرستيانو ” تشوفهم في العريجا، في شارع تركي الأول تشوف شاروخان واقف عند الإشارة ، وميل جبسون عند محل يقص مفاتيح في خريص”.
وتابع:” وش دخلنا في إسرائيل، عندك سفارة في نص العاصمة حقتك روح تكلم معها، أحنا عندنا ناس في السياسة والترفيه، عندنا ترفيه لكن عقدنا 3 قمم لغزة، هذا قدر الدول العظمى، عندنا غزة والسودان وأوكرانيا وروسيا، والحوثي، وعندنا جنود في الجنوب ما قالوا وقفوا الترفيه، تأتي أنت وتقول وقف الترفيه “.
واردف:” قضية فلسطين قضيتنا من سنوات من يوم كانت أمهاتنا يتبرعن بالأساور الذهب، لما تيجي تتكلم معنا لازم تكون ملم بالسياسة والتاريخ الحكومة أفضالها عليك وشوف آخر أرقام وصلتك من السعودية”.
وواصل قائلا:” أشغلتنا وأنتم صحراء وبعارين، تعالوا شوفوا، بيت الرعب اللي في البوليفارد المستوى حقه مستحيل توصل له، ترا نترك الفلل والشقق الفخمة ونروح نتفرج على هذا البيت، العمارات اللي في وسط البلد حقتنا ما هي عند الإنجليز “.
السعودية خط أحمر.
واختتم:” لما نقول السعودية خط أحمر معناها خط أحمر لا تتعرض لها، أحنا مشغولين ورانا تطوير وكأس عالم ومدن جديدة وأشياء أخرى”.
