ظهرت الإعلامية المصرية ريهام سعيد، منهارة بالبكاء في أول ظهور إعلامي لها بعد عملية التجميل الفاشلة.

وقالت في لقاء تليفوني: أنا لازم أحط 13 كيلو مكياج عشان أنزل، وفي الاستوديو بنحط حاجة تدعم الوش ودي بفلوس كتير والقنوات بتأجرها ليّ.

وأضافت وهي تبكي: حلمي التمثيل، ولو حد عاوزني في عمل هيقوله دي اتشوهت، كان في لحظات وحشة أوي.

وتابعت: آخر مرة روحت للدكتور ملي فيلر عشان في حفرة جامدة عندي، بس أنا هدوب الفيلر وهتعرض على الطب الشرعي.

وبينت أنها قررت إجراء عملية التجميل نظرًا لكبر سنها، مضيفة: أنا مكنتش هقول إني اتشوهت، مش حلو إن جمهوري يعرف أني اتشوهت، كنت بطلع على الهوا لابسة نضارة فاضية عشان تداري الحفر اللي في وشي.

وتوعدت برفع قضايا في مصر والعراق الإمارات، وستتضمن تشهير وسب وقذف وخروج عن المعايير الطبية، مختتمة: أنا مش هصلح اللي حصل فيّ إلا لما أتعرض على الطب الشرعي، وأنا عندي ثقة رهيبة في القضاء وربنا.